Тошкентда ҳоким ёрдамчиси онасини калтаклади
Ҳозирда у ўз вазифасидан четлаштирилган.
Ижтимоий тармоқда Тошкент шаҳрининг Мирзо Улуғбек тумани ҳокими ёрдамчиси онасини калтаклагани ҳақида маълумот тарқалди.
Маълум бўлишича, ҳолат юзасидан ЖКнинг 105-моддаси (қасддан баданга ўртача оғирликдаги шикаст етказиш) билан жиноят иши қўзғатилган.
Шунингдек, айни дамда кекса аёлнинг калтакланишига айнан ким сабабчи бўлганлиги аниқланмаган. Жабрланувчининг ўзи ўғлига эмас, келинига қарши кўрсатма бермоқда.
Шунингдек, фуқаро М.И.да аниқланган тан жароҳатини оғирлик даражасини ҳамда руҳий ҳолатини аниқлаш мақсадида, судга оид тиббий ва психиатрик экспертиза тайинланган. Тергов давом этмоқда.
Шаҳар ҳокимлиги матбуот хизмати Мирзо Улуғбек тумани ҳокими ёрдамчиси тергов якунига қадар ўз вазифасидан четлаштирилганини маълум қилди.
