Тошкентда “КIA K5” ЙТҲга учраб, ёниб кетди
Ҳайдовчи йўл қатлами музлаганини ҳисобга олмасдан автомобиль бошқарган ва рул бошқарувини йўқотиб, йўл четидаги темир тўсиққа урилган.
Жорий йилнинг 16 январь куни соат 00:20 ларда Тошкент шаҳар, Юнусобод тумани, Янги шаҳар кўчасида ҳайдовчи 1992 йилда туғилган Б.Р. “КIA K5” русумли транспорт воситасини йўл қатлами музлаганини ҳисобга олмасдан бошқариб кетаётиб, рул бошқарувини йўқотиб, йўл четидаги темир тўсиққа урилиб, ағдарилиб кетиши натижасида автоуловда ёнғин чиқиб ёниб кетган.
ЙТҲ натижасида тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЖХХ ЙҲХБ ходимлари томонидан суриштирув олиб борилмоқда.
Тошкент шаҳар ЙҲББ барча ҳайдовчилардан айни кунлардаги ноқулай, аномал совуқ об-ҳаво шароитида ўта эҳтиёткорлик билан, тезликни меъёридан оширмасдан ҳаракатланишларини сўрайди.
