Тошкент шаҳрининг Учтепа туманида 16 май куни одам ўлими билан боғлиқ йўл-транспорт ҳодисаси содир бўлди. Бу ҳақда шаҳар ИИИБ ахборот хизмати хабар берди.
Ҳодиса соат 19:00 ларда Учтепа тумани Лутфий кўчасида юз берган. 1992 йилда туғилган ҳайдовчи M.A. ишонч қоғози асосида Матиз русумли автомашинада ҳаракатланиб, тартибга солинмаган пиёдалар йўлагидан ўтаётган фуқарони уриб юборган.
ЙТҲ оқибатида 2011 йилда туғилган мактаб ўқувчиси Э.Қ. олган тан жароҳатлари сабабли касалхонага олиб кетилаётган вақтда вафот этган.
Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов давом этмоқда.