Тошкентда отлар иштирокида парад бўлиб ўтади
Мустақилликнинг 32 йиллиги муносабати билан пойтахтда отлиқ кавалерия паради ўтказилади.
Ўзбекистон мустақиллигининг 32 йиллиги муносабати билан Тошкентда отлиқ кавалерия паради бўлиб ўтади. Бу ҳақда Миллий гвардиянинг Тошкент шаҳар бўйича бошқармаси хабар берди.
«Қадрли тошкентликлар ва пойтахтимиз меҳмонлари, 26 август куни соат 18:00 да Ўзбекистон Республикаси мустақиллигининг 32 йиллиги муносабати билан ‘Янги ҳаёт учун, Янги Ўзбекистон учунʼ шиори остида куч тузилмалари ва Ўзбекистон Йилқичилик ва от спорти федерацияси ҳамкорлигида ‘Отлиқ кавалерия парадиʼ бўлиб ўтади», — дейилади хабарда.
Отлар иштирокидаги парад 26 август ва 2 сентябрь кунлари Амир Темур хиёбони бўйлаб ўтказилиши режалаштирилган.
