Бугун, 11 май куни Тошкент шаҳрининг Мирзо Улуғбек туманида одам ўлими билан боғлиқ йўл-транспорт ҳодисаси юз берди.
Ҳолат соат 04:00 ларда Мирзо Улуғбек тумани Феруза кўчасида содир бўлган. 20 ёшли йигит Малибу-2 русумли автомашинасини бошқариб кетаётиб, 1979 йилда туғилган фуқарони уриб юборган.
ЙТҲ оқибатида пиёда олган тан жароҳатлари натижасида воқеа жойида вафот этган. Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.