Тошкентнинг қатор мавзеларида 23 июлдан иссиқ сув таъминоти вақтинча ўчирилади

 

 

Тошкентнинг айрим ҳудудларида совуқ сув таъминоти узилиши муносабати билан 23 июль соат 09:00 дан 24 июль соат 21:00 га қадар иссиқ сув таъминоти ҳам вақтинча тўхтатилади. Бу ҳақда «Тошиссиққуввати» ДУК хабар берди.

Иссиқ сув ўчириладиган манзиллар рўйхати:

Марказ-6

• Мунис, Сарикўл, Эски Сарикўл, Янгизамон, Янги Қўйлиқ, Абдурауф Фитрат, Фарғона йўли, Таллимаржон, Файзобод, Меҳржон, Сайҳун, Сурхон кўчалари, Қўйлиқ 1—7, Қўйлиқ—«Обводноя» массивлари.

Марказ-8

• Янги Сергели йўли, Меҳригиё, Суғдиёна, Қипчоқ, Чинор, Давлатобод, Дўстлик, Мирзо Турсунзода, Жаҳонаро, Қўрғонтепа кўчалари, Сергели 1—8А, Йўлдош 1—18, Марказ-1, 2, 3, Дўстлик — 1, 2-массивлари.

«Водник» қозонхонаси

• Ҳусайн Бойқаро кўчаси, «Водник» массиви ҳудуди.

«Саноатэнерго» қозонхонаси

• «Қурувчи» массиви.

Эслатиб ўтамиз, июнь ўрталарида пойтахт ҳокимлиги Тошкентда иситиш мавсумига тайёргарлик кўриш мақсадида иссиқлик тармоқлари синовдан ўтказилиши ҳақида фуқароларни огоҳлантирганди.