Трамп Мексикага ракета зарбалари беришни кўриб чиққан — NYT
Бу ҳақда АҚШ собиқ мудофаа вазири маълум қилди.
АҚШ собиқ президенти Дональд Трамп Мексикадаги нарколабораторияларга аниқ ракета зарбалари бериш вариантини кўриб чиққан. Бу ҳақда АҚШ собиқ мудофаа вазири Марк Эспернинг хотираларига асосланиб The New York Times хабар берди.
Пентагон собиқ раҳбари сўзларига кўра, Трамп ҳарбийлардан Мексикадаги наркомарказларга зарба бериш ва шу орқали гиёҳванд моддалар етиштиришни тўхтатиш имконияти тўғрисида ҳарбийлардан сўраган.
Эспернинг қўшимча қилишича, собиқ президент “уларнинг давлат устидан назорати йўқ, биз бир неча Patriot ракеталарини учиришимиз мумкин ва астагина уларнинг лабораторияларини йўқ қила оламиз. Ҳеч ким буни биз қилганимизни билмайди”, – деган.
Аввалроқ Трамп Байденни заифликда айблаганди.
