Трамп қамоқхонада расман суратга тушган биринчи АҚШ президентига айланди
У буни Х ижтимоий тармоғида эълон қилди.
У буни Х ижтимоий тармоғида эълон қилди. Бу сиёсатчининг 2021 йилдан бери биринчи постидир. The Washington Post ҳам Трампнинг ўлчаб, бармоқ излари олингани ҳақида ёзди. Қамоқхонада пайдо бўлгандан сўнг, у расман ҳибсга олинган, аммо 20 дақиқа ичида олдиндан келишилган 200 минг доллар гаров эвазига қўйиб юборилган.
ОАВ маълумотларига кўра, собиқ президент қамоқхонани орқа эшик орқали тарк этган ва унинг иши бўйича суд жараёни кузгача қолдирилган. Собиқ президент жиноий жавобгарликка тортилишини ноқонуний деб ҳисоблайди.
Аввалроқ Жоржия штатида АҚШнинг собиқ раҳбарини ҳибсга олиш ордери чиқарилган ва унга штат қамоқхонасида бўлиш ҳақида буйруқ берилган эди. У 2020 йилги сайловларга аралашишга уринишда айбланмоқда. Ишда 13 та банд, жумладан, қалбаки тил бириктириш ва сохта ҳужжатлар тўлдириш бўйича айбловлар мавжуд.
Август ойида Трамп Капитолий ҳужумида тўртта янги айблов билан судга чақирилди.
