Турк сайёҳи Тошкент — Андижон поездида 100 минг сўм пора эвасига жойини алмаштирганини айтди
Яқиндагина нидерландиялик сайёҳ ҳам 15 доллар эвазига Афросиёб поездида яхши жойга ўтиб олганини маълум қилганди.
Ўзбекистонга ташриф буюрган туркиялик сайёҳ Тошкент-Андижон йўналишидаги саёҳатида поезд ходимига 100 минг сўм (8,20 доллар) қўшимча пул бериб жойини алмаштирганини айтади.
"Ёнимизга вагон хизматчиси келиб, маълум бир маблағ эвазига алоҳида бир купе қилиб беришини айтди. Ҳаётимизда илк марта пора бердик, дўстлар. Ўзимни бироз ёмон ҳис қилдим. Аммо 5-10 дақиқадан сўнг берган қўшимча 100 сўм пулимиз эвазига яхши бир купеда Тошкентдан Андижонгача бўлган 6 соатлик масофага гўзал манзараларни томоша қилиб етиб келдик”, — дейди хорижлик сайёҳ.
Ушбу ҳодиса қачон ва қаерда юз бергани ҳозирча номаълум.
Масъуллар вазият ўрганилаётганини айтмоқда.
Эслатиб ўтамиз, бундан аввал голландиялик сайёҳ “Афросиёб” электропоезднинг VIP классига ўтиш учун поезд бошлиғига қўшимча 15 доллар пул берганди. Воқеадан 4 кун ўтиб ходим ишдан олинганди.
