Туркия ташқи ишлар вазири Мавлуд Чавушўғлу БМТ сайёрадаги муаммоларни ечишга қодир эмаслигини маълум қилди. Бу ҳақда TRT телеканали хабар берди.
"БМТ тузилмаси муаммоларни ҳал этишга қодир эмас. Масалан, Хавфсизлик кенгаши пандемия бўйича қўшма қарор учун уч ой вақт сарфлади", — деган у.
Дипломат, шунингдек, Анқаранинг Россия-Украина музокараларидаги воситачилик ролини адолатли деб атаган.
Туркия ҳукумати узоқ йиллар давомида БМТни танқид қилиб келади. Москва ва Киев ўртасида ҳарбий низо бошлангандан сўнг бу тенденция янада кучайди.
Аввалроқ Япония бош вазири БМТни ислоҳ қилиш зарурлигини айтганди.