Янги дунё тартиботини яратиш вақти келди — Фумио Кисида
Япония бош вазири БМТ фаолиятини танқид қилди.
Россиянинг Украинадаги ҳаракатлари янги дунё тартиботини яратиш заруратини кўрсатди. Бу ҳақда Япония бош вазири Фумио Кисида маълум қилди.
"БМТ Хавфсизлик кенгаши доимий аъзоси Россиянинг агрессив ҳаракатлари янги дунё тартиботини яратиш зарурлигини кўрсатади", — деган у. Кисида Япония узоқ йиллар давомида хавфсизлик кенгашини ислоҳ қилишни таклиф қилиб келганини эслатди. Хусусан, Токио вето ҳуқуқига эга давлатларнинг ҳуқуқини қайта кўриб чиқишни талаб қилган.
Япония бош вазири бундан кейин ҳам юқоридаги таклифни илгари суришни ва бу борада Франция билан ҳамкорлик қилишни маълум қилган.
Эслатиб ўтамиз, аввалроқ Япония Россия устидан халқаро судга мурожаат қилгани тўғрисида хабар қилинганди.
