Украина пойтахти Киевга ракета зарбалари берилди
Ҳодиса оқибатида ҳалок бўлганлар бор.
Бугун, 26 июнь куни Украина пойтахти Киев шаҳрига ракета зарбалари берилди. Ракеталардан бири Шевченко туманида жойлашган тўққиз қаватли бинога келиб тушган.
Дастлабки маълумотларга кўра, ҳодиса оқибатида бир киши ҳалок бўлган, яна бир неча киши яраланган. Вайроналар орасидан етти ёшли қизалоқ ва бетон плита босиб қолган аёл қутқариб олинган.
Умумий ҳисобда Россия қўшинлари Киевга 14 та ракета учирган. Улардан бири боғча ҳудудида портлаган. Украина мудофаа хизмати томонидан битта ракета уриб туширилган.
