Украинага Ғарб давлатлари танклари берилмаётгани сабаби очиқланди
Шу билан бирга Киевда айнан шу турдаги техникага эҳтиёж катталиги қайд этилган.
Украина Россияга арши ҳужумни давом эттириш учун Ғарбдан тезкор тартибда замонавий танклар етказиб беришни сўрамоқда. Politico эса Ғарб давлатлари буни ҳозирча ортга сураётгани тўғрисида хабар берган.
Нашр маълумотларига кўра, танклар Киев сўраётган қурол-яроғлар рўйхатида биринчи ўринда турибди. Айниқса, Россия томонидан қисман ҳарбий сафарбарлик эълон қилингач, бу янада долзарб туc олди.
Ҳарбий экспертлар муваффақиятли ҳужумлар учун Украинага M1 Abrams ва Leopard танклари зарурлигини таъкидлаган. Амалдорлар логистика ва экипажни ўқитиш билан боғлиқ муаммолар туфайли бу турдаги техникани етказиб беришни ортга сурмоқда.
“Украинага нафақат Америка танлари, балки уларга хизмат кўрсатиш учун деталлар бериш керак – бу катта тўсиқлардан бири бўлиб қолмоқда”, – деган Politico билан суҳбатлашган манбалардан бири.
Газета бу танклар Совет даврида ишлаб чиқарилган техникалардан кескин фарқ қилишини қайд этган.
Ёзда Украина Германиядан Leopard танкларини етказиб беришни сўраганди. Аммо Берлин бир неча бор буни инкор қилган.
Аввалроқ Владимир Зеленский Германияни қурол етказиб беришни ортга суришда айблаганди.
