Хакерлар бир гуруҳ машҳур шахсларга тегишли маълумотларни ўғирлади
Уларнинг орасида Дональд Трамп хам бор.
Бир гуруҳ хакерлар Graff Diamonds заргарлик дўкони серверларидан машҳур шахсларга оид ҳужжатлар ўғирланди. Бу ҳақда Daily Mail хабар берди.
Бу шахслар орасида машҳур футболчи Дэвид Бекхем, телебошловчи Опра Уинфри, актёрлардан Том Хэнкс, Сэмюэл Л.Жексон, Алек Болдуин, шунингдек, АҚШ собиқ президенти Дональд Трамп ва унинг рафиқаси Меланья Трамплар бор. Хакерлар мижозлар рўйхати, тўлов квитанциялари ва чеклар каби ҳужжатларни ўғирлаган.
Бу маълумотлар харидорларни ноқулай вазиятга солиб қўйиши мумкин, сабаби улар қимматбаҳо совғаларни сирли равишда ўз жазманларига сотиб олган бўлиши мумкин
– дейилади хабарда.
Хакерлар ҳозирда darknet'да дўконнинг 11 минг харидорига тегишли 69 минг ҳужжатни эълон қилган. Экспертлар маълумотларига кўра, жиноятчилар дўкон ходимларининг почтасига махсус вирус жўнатиш орқали юқоридаги маълумотларни қўлга киритган.
Graff Diamonds маълумотлари ўғирланган барча мижозларига бу ҳақда хабар берилганини маълум қилган.
Аввалроқ Россиялик хакерлар Америка компаниясидан 5,9 миллион доллар талаб қилгани ҳақида хабар берилганди.
Жаҳонгир Қўзиев
