Якунланаётган йил икки ректорнинг фаолиятини ҳам якунлади
Бу ҳақда Олий ва ўрта махсус таълим вазирлиги матбуот котиби маълум қилди.
Олий ва ўрта махсус таълим вазирлиги матбуот котиби Ўзбекистондаги икки олий таълим муассасаси ректорлари ишдан олинганини маълум қилди.
Унга кўра, Ўзбекистон давлат жаҳон тиллари университети ректори Улуғбек Азизов ва Бухоро муҳандислик технология институтининг ректори Нусратулло Баракаев лавозимидан озод этилди.
Шавкат Мирзиёев 2019 йил 31 март куни Бухоро вилоятига ташрифи доирасида вилоятдаги 4 та олий таълим муассасасидан иккитасида раҳбарлар ўзгарганди.
Хусусан, 2013 йилдан буён Бухоро муҳандислик технология институти ректори бўлган Улуғбек Мухамедханов лавозимдан олинган. Унинг ўрнини Нусратулло Баракаев эгаллаган.
Маълумот ўрнида, социология фанлари доктори Улуғбек Азизов 2020 йил 26 август куни Ўзбекистон давлат жаҳон тиллари университетига ректор этиб тайинланганди.
