Йил бошидан буён ўғирланган 78 миллиард сўмлик газни 40 мингта хонадон қарийб 1 йил давомида истеъмол қилиши мумкин
Жорий йилнинг 9 ойи давомида республика бўйича табиий газдан жами 2 минг 535 та ноқонуний фойдаланиш ҳолати аниқланган.
Бу ҳақда Ўзбекистон Республикаси Энергетика вазирлиги хабар қилди.
Бунинг натижасида 86 миллион 923 минг куб метр ёки 77 миллиард 877 миллион сўмлик табиий газдан ноқонуний фойдаланилган.
Ҳозирги кунда ўғирланган газни 40 мингта хонадон қарийб 1 йил давомида истеъмол қилиши мумкин.
Текширишлар жараёнида охирги тўрт кунда республика бўйича табиий газдан 67 та ноқонуний фойдаланиш ҳолатлари аниқланган.
Бундан аввал навоий ИЭСда газ сизиб чиқиш ҳолати юз бергани, тошкентнинг икки туманида газ таъминоти вақтинчa узиб қўйилгани ҳақида хабар берилган эди.
Муножат Валиева
