Ёнғин чиққан фермага 5та ўт ўчириш бригадаси жалб қилинди

 

 

Аввалроқ, 1000 та қора моли бор бўлган ферма ёниб кетгани ҳақида хабар қилган эдик. 

Аниқланишича ёнғин Қирғизистоннинг “Кок-Арт” микрорайонида содир бўлган. Талофатни бартараф этишга 5 та ўт ўчириш бригадаси жалб қилинган. 

Мамлакат Фавқулодда вазиятлар вазирлиги матбуот хизмати маълумотига кўра, ёнғин қисқа муддатда катта омборни буткул қамраб олган. Ишчилар ва чорва моллари тезлик билан эвакуация қилинган. Воқеа бугун, 11 август санасида куннинг биринчи қисмида юз берган. 12:30 да ёнғин батамом ўчирилган. Қурбонлар йўқ.

Ферма эгасининг айтишича, ёнғин бўлган вақт омборда 400 га яқин  мол бўлган. Дастлабки таҳминларга кўра ёнғинга электр симларидаги қисқа   туташув сабаб бўлган. 

Воқеа сабаб заҳира учун тайёрланган ем ҳашак ва пичан ёниб кетган. Бинонинг том қисми ҳам вайронага айланган.