Зеленский: Москва Украина билан чекланиб қолмайди
Украина етакчиси НАТО саммитида нутқ сўзлади.
Владимир Зеленский НАТОнинг Мадриддаги саммитида чиқиш қилди. Бу ҳақда BBC хабар берди.
Унинг нутқи асосан жорий ҳарбий-сиёсий вазиятга бағишланган. Зеленскийнинг сўзларига кўра, Украинага ҳарбий харажатлар учун ойига беш миллиард доллар зарур.
“Украина мағлуб бўлган тақдирда Москва тўхтаб қолмайди. Унинг мақсадлари аниқ. Россия раҳбарияти дунёни бошқача нигоҳ билан кўради. масалан, улар Литвага НАТО аъзоси сифатида эмас, Совет Иттифоқининг бир қисми сифатида қарайди. Савол шундан иборат: кейингиси ким? Молдова? Болтиқбўйи давлатлари? Польша? Жавобим — уларнинг барчаси”, – деган президент.
Украина етакчиси НАТОдан Киев учун умумий хавфсизлик майдонида жой ажратишни сўраган, акс ҳолда альянсни “Россия билан тўқнашув кутади”.
