Вашингтон шаҳрида ўтказилган кимошди савдосида Украина президенти Владимир Зеленский кийган каштали кийим 100 минг АҚШ долларига сотилди. Бу ҳақда “Мета” нашри хабар бермоқда.
Маълум қилинишича, президент “Кашта куни”да кийган кўйлак хайрия аукционига қўйилган ва “Asters USA” юридик компанияси томонидан сотиб олинган.
Аукцион “United 24” махсус платформаси ташаббуси билан ўтказилган. Мазкур платформа Украина эҳтёжлари учун хайрия йиғишга хизмати қилади. Йиғилган маблағлар Миллий банк ҳисоб рақамларига ўтказилади ва тегишли вазирликлар томонидан Украинанинг мудофаа ва тиббиёт соҳасига, шунингдек, ҳудудларни миналардан тозалашга йўналтирилади.