Nigeriya shimoli-g‘arbidagi maktab-internatdan qurollangan nomaʼlum shaxslar 140 nafar o‘quvchini o‘g‘irlab ketishdi.
Ularning qayerga olib ketilgani hozircha maʼlum emas.


Hujumchilar erta tongda Kaduna shtatidagi Baptist o‘rta maktabiga bostirib kirib, qo‘riqchilarga qarata o‘q otishgan va u yerdagi 165 o‘quvchining aksariyatini o‘g‘irlab ketishgan. Faqat 25 nafar bola qochib qutulishga ulgurgan .
Ota-onalar voqea sodir bo‘lgan maktab tashqarisida yo‘qolgan bolalar haqidagi xabarlarni kutishmoqda.







