Amerika Kubogi. Argentina Kolumbiyani yengib, finalga chiqdi
Amerika Kubogi—2021 ikkinchi yarim finalida Argentina va Kolumbiya terma jamoalari o‘zaro to‘qnash keldi.
Uchrashuvning 7-daqiqasida Lautaro Martines Messining uzatmasidan keyin hisobni ochdi. 61-daqiqada Luis Dias Marulanda muvozanatni tikladi. Qolgan vaqtda hisob o‘zgarmadi va uchrashuv penaltilar seriyasiga qadar yetib bordi.
Seriyada argentinaliklar posboni Emiliano Martines uchta zarbani qaytardi va jamoasining g‘alabasini taʼminladi.
Shu tariqa Argentina terma jamoasi finalga yo‘l oldi va unda Braziliya qarshi bahs olib boradi. Final bahsi Toshkent vaqti bilan 11 iyul tongi soat 05:00 da boshlanadi. Kolumbiya esa Peruga qarshi 3-o‘rin uchun bahs olib boradi.
Amerika Kubogi—2021
1/2 final bahsi
7 iyul, chorshanba
Argentina – Kolumbiya 1:1
Penaltilar seriyasi — 3:2
Gollar: 1:0 – 7 Martines, 1:1 – 61 Dias.
Argentina: Martines, Molina (Montiyel, 46), Pesselya, Otamendi, Talyafiko, de Paul, Rodriges, Lo Chelso (Paredes, 56), Messi, Martines, Gonsales (Di Mariya, 67).
Kolumbiya: Ospina, Munyos, Mina, Sanches, Tesilyo (Fabra, 46), Kuadrado, Barrios, Kuelyar (Chara, 46), Dias, Borre (Kardona, 46), Sapata (Borxa, 60).
Ogohlantirishlar: Lo Chelso (21), Kuadrado (45), Fabra (55), Borxa (63), Montiyel (72), Munyos (75), Kardona (86), Rodriges (87), Barrios (88), Pesselya (90).
