TikTok sabab AQSHda maktab o‘quvchisi halok bo‘ldi
AQSHning Oklaxoma shtatida maktab o‘quvchisi TikTokda xavfli chaqiriqni takrorlaganidan so‘ng halok bo‘ldi.
Voqea Betani shahrida sodir bo‘lgan. Dastlabki maʼlumotlarga ko‘ra, bola Black Out chaqiruvida ishtirok etishga qaror qildi, uning ishtirokchilari bo‘yin atrofiga belbog‘ni mahkam bog‘lashdi.
Ushbu harakatlarni takrorlagan bola hushsiz holda topilgan va mahalliy kasalxonaga yotqizilgan, ammo bir necha soat o‘tgach vafot etdi.
Marhumning ismi va yoshi oshkor etilmadi.
"Ijtimoiy tarmoqlar voyaga yetmaganlarga katta taʼsir ko‘rsatadi. O‘tish davrida bolalar o‘zlari nima qilayotganlarini bilmaydilar va ko‘p vaqtni Internetda o‘tkazadilar. Ota-onalar o‘z farzandlari nima qilayotganini kuzatib borishlari kerak", - deydi politsiya.
Nasiba To‘xtayeva
