Umra ziyorati uchun talablar eʼlon qilindi
10 avgustdan boshlab xorijlik ziyoratchilarga Umra ziyoratini amalga oshirishga ruxsat beriladi.
Saudiya Arabistoni hukumati maʼlum qilishicha, ziyoratchilar koronavirusga qarshi barcha zarur choralarni ko‘rgan holda qabul qilinadi.
Ziyoratga tashrif buyurishni istagan musulmonlar qirollikda tasdiqlangan Pfizer, Moderna, Johnson & Johnson, AstraZeneca vaksinalaridan biri bilan to‘liq emlangan bo‘lishi lozim.
Vaksina olmagan ziyoratchilar kelgandan so‘ng karantindan o‘tib, keyin koronavirus uchun qayta PSR testini topshirishlari lozim.
Maʼlum qilinishicha, ziyoratchilarning xavfsizligi va talabini taʼminlash uchun kirish va chiqishni tartibga solish, maxsus ehtiyojlari bo‘lgan odamlar uchun o‘tish yo‘llarini ajratish hamda Zamzam suv idishlarini namoz o‘qiladigan joylarga, hovlilarga va tavof joylariga tarqatish tartiblari o‘rnatilgan.
