“Olimpiada va koronvirus tarqalishi orasida bog‘liqlik yo‘q” - XOQ
Xalqaro Olimpiya Qo‘mitasi (XOQ) bugun Tokioda o‘tkazilayotgan Olimpiya o‘yinlari va Yaponiyada COVID-19 tarqalishi orasida bog‘liqlik yo‘qligini eʼlon qildi.
“Menga maʼlum bo‘lishicha, sportchilar yoki olimpiya harakati vakillaridan Tokio aholisiga infeksiya yuqishi holatlari bo‘yicha birorta ham dalil yo‘q”, - dedi XOQ raisi Mark Adams.
Adamsning aytishicha, 310 ta topshirilgan testdan 0,02 foizida ijobiy natija qayd etilgan.
“Bizning hamjamiyatimizda dunyodagi boshqa har qanday joydan ko‘ra ko‘proq test o‘tkazilmoqda. Bundan tashqari, olimpiya qishlog‘ida eng qatʼiy cheklovlar amal qiladi”, - dedi u.
Oldinroq Yaponiya hukumatining bosh kotibi Katsunobu Kato mamlakatdagi zararlanish holatlari bo‘yicha xavotirda ekanini aytgan.
O‘tgan bir sutkada Tokioda pandemiya boshidan beri eng yuqori ko‘rsatkich – 3 177 ta koronavirus holati qayd etildi.
Sharofat Mahmudova
