Eldor Shomurodov “Roma”da bir mavsumda 2 mln yevro maosh oladi
“Jenoa” Shomurodovni 2,5 mln yevro evaziga ijaraga bergan.
Kelishuvga ko‘ra, rimliklar futbolchini 15 mln yevro evaziga sotib olish majburiyatini olgan. Agar “Roma” keyingi mavsum uchun chempion Liga yo‘llanmasini olsa, o‘zbekistonlik futbolchi to‘laqonli rimliklar safiga o‘tadi.
Maʼlumot uchun, Eldor Shomurodov “Jenoa”ga “Rostov”dan 2020 yilning oktyabrida 7,5 million yevro evaziga ko‘chib o‘tgan va avvalgi mavsumda 8 ta gol urib, 2 ta golli uzatmani qayd etgan edi.
