Rossiyaga chetdan borib ishlash tartibi o‘zgardi
Rossiyada 2021 yil 1 avgustdan muhojirlar uchun imtihon yangi topshiriqlar bo‘yicha o‘tkaziladi.
Nazorat materiallari Pedagogik talablar federal instituti tomonidan ishlab chiqilgan. Bu haqda “TASS” xabar berdi.
Maʼlum qilinishicha, chet tili sifatida rus tilidan, Rossiya tarixi, yashash va ishlash niyatida bo‘lgan chet elliklar uchun mamlakat qonunchiligining asoslari bo‘yicha 1 avgustdan yangi topshiriqlar asosida imtihon o‘tkaziladi, deb xabar bergan Rosobrnadzor matbuot xizmati.
Imtihon chet elliklar va fuqaroligi yo‘q shaxslar uchun uch darajada o‘tkaziladi: ishlash uchun ruxsatnoma yoki patent, vaqtincha yashash ruxsatnomasi (RVP) va yashash guvohnomasini (VNJ) olish uchun.
Rus tilidan imtihon og‘zaki va yozma shaklda, Rossiya tarixi va qonunchiligi asoslaridan esa test, jumladan, kompyuter texnologiyalaridan foydalangan holda olinadi.
FIPI saytida testlarning namoyish uchun belgilangan variantlari bilan tanishish mumkin.
Rossiya hukumati Rosobrnadzorga muhojirlar uchun imtihondan o‘tishni majburiyligi talablarining bajarilishini davlat nomidan nazorat qilish vazifasini yuklagan.
