“Ayritom” chegara bojxona postida Makarov to‘pponchasiga mo‘ljallangan jangovor patronning harakatiga chek qo‘yildi
Surxondaryo viloyati bojxona boshqarmasi “Ayritom” chegara bojxona postiga qo‘shni mamlakatdan kirib kelgan temir yo‘l yuk poyezdi yuk vagonlarini ko‘rikdan o‘tkazishga mo‘ljallangan Rapiscan G60 rusumli inspeksion ko‘rik majmuasi orqali belgilangan tartibda bojxona nazoratidan o‘tkazildi.
Natijada, yuk vagonlaridan birining skaner tasvirida shubhali jism borligi aniqlandi. Mazkur yuk vagoni bojxona ko‘rigidan o‘tkazilganda esa vagonning ko‘z ilg‘amas hufiya joyiga berkitilgan bo‘sh tamaki qutisida, Makarov rusumli to‘pponcha uchun mo‘ljallangan, kontrabanda predmeti hisoblanuvchi 1 dona jangavor patron borligi aniqlandi.
Hozirda ushbu holat yuzasidan jinoyat ishi qo‘zg‘atilib, tergovga qadar tekshiruv harakatlari olib borilmoqda.
