Ingliz jamoasi Kilian Mbappeni tekinga sotib olmoqchi
“Liverpul” fransuz hujumchisi Kilian Mbappe uchun kurashga qo‘shildi. Xabarlarga ko‘ra, klub keyingi yilga Mbappening parijliklar bilan shartnomasi tugashini hisobga olib, uni tekinga sotib olmoqchi.
Avvalroq, Mbappe “PSJ” bilan shartnomani uzaytirmoqchi emasligi haqida xabar berilgandi. Hozircha futbolchi keyingi faoliyatini «Real Madrid» klubida ham davom ettirishi aytilmoqda.
Mbappening “PSJ” bilan amaldagi shartnomasi 2022 yilning 30 iyunigacha amal qiladi. Kilian “PSJ” safida 2017 yildan buyon to‘p surib kelmoqda. Bundan oldin u “Monako” klubi sharafini himoya qilgan. Hujumchi Fransiya chempionatining so‘nggi mavsumida 31 uchrashuvda ishtirok etib, 27 golga mualliflik qildi va 7 ta uzatmani amalga oshirdi.
Shuningdek, u Chempionlar ligasining 10 ta o‘yinida sakkizta gol urdi.
Jamshid Amirov
