O‘tkir Hoshimov haqida “Chiroq ko‘targan odam” hujjatli filmi suratga olinadi
O‘tkir Hoshimov haqida “Chiroq ko‘targan odam” hujjatli filmi suratga olinadi.
Kinematografiya agentligi buyurtmasiga binoan “Sintez film” studiyasi tomonidan O‘zbekiston xalq yozuvchisi O‘tkir Hoshimov hayoti va ijodi haqida “Chiroq ko‘targan odam” hujjatli filmi yaratiladi. Bu haqda Kinematografiya agentligi axborot xizmati xabar qildi.
Qayd etilishicha, mazkur film O‘zbekiston Respublikasi Prezidentining 2020 yil Adiblar xiyoboniga tashrifi davomida bergan topshirig‘i asosida tasvirga olinmoqda. Hujjatli film “Xalq yuragi” nomi ostida suratga olinayotgan turkum filmlardan biri. Ma’lumot uchun, joriy yilda adib tavalludiga 80 yil to‘ldi.
Ma’lum bo‘lishicha, film ssenariy muallifi Shuhrat Rizayev, postanovkachi rejissyor Botir Abdurahmonov, operator Muzaffar Yusupov, rassom Bektosh Rajabov, liboslar bo‘yicha rassom Zulfiya Qurbonboyeva, bosh maslahatchi Yulduz Hoshimova, kartina direktori Xurshid Alixo‘jayev.
