Xalqaro turnirda sambochilarimiz to‘rtda kumush medal sohibi bo‘ldi
Rossiya Federatsiyasining Sankt-Peterburg shahrida sambo bo‘yicha FIAS (Xalqaro sambo federatsiyasi) prezidenti sovrini uchun musobaqa tashkil etildi.

Unda jahonning 21 mamlakatidan 80 nafarga yaqin sportchi sovrinli o‘rinlar uchun kurash olib bordi. Mukofot jamg‘armasi 189 ming AQSH dollarini tashkil etuvchi bahslarda Homidjon Mo‘minov (-64 kg), Sarbon Ernazarov (-71 kg), Ulug‘bek Rahmonov (-79 kg) va Ixtiyor Eshmurodov (-88 kg) kumush medal sohibi bo‘ldi.
Musobaqa reglamentiga binoan sportchilarimizga kumush medal bilan birga 7 ming AQSH dollari miqdorida pul mukofoti ham berildi.







