Tadbirkorlar bilan o‘tkazilgan ochiq muloqot davomida berilgan topshiriqlar ijrosi boshlandi

 

Shavkat Mirziyoyev qo‘shilgan qiymat solig‘i (QQS) maʼmuriyatchiligini takomillashtirishga doir qarorni imzoladi. Hujjat bilan:

 

➖ joriy yil 1-oktyabrdan boshlab barcha eksportchi korxonalarga QQS summasi valyuta tushumidan qatʼi nazar qaytarib beriladi. Mazkur imkoniyat oxirgi bir yil davomida valyuta tushumlarini o‘z vaqtida taʼminlab kelayotgan va eksport shartnomalari bo‘yicha muddati o‘tgan debitor qarzdorligi bo‘lmagan tadbirkorlarga tatbiq etiladi;

 

➖ 2022 yil 1-yanvardan boshlab tadbirkorlarga QQS bo‘yicha salbiy farq summasini qaytarish uchun alohida ariza bilan murojaat qilish talabi bekor qilinadi. Endilikda, tadbirkorlar mazkur summani qaytarish istagini soliq hisobotining o‘zidayoq ko‘rsatishlari mumkin bo‘ladi;

 

➖ soliq va bojxona idoralariga to‘lanadigan QQS summalarini o‘zaro hisobga olish tartibi tajriba tariqasida 2022 yilda amaliyotga joriy qilinadi.

 

Eslatib o‘tamiz, avvalroq Shavkat Mirziyoyev tadbirkorlar bilan o‘tkazgan ochib muloqoti davomida soliq idoralari qo‘llayotgan ayrim jarimalardan havotirda ekani https://zamon.uz/uz-to/detail/soliq-idoralari-qollayotgan-ayrim-jarimalar-soni-meni-xavotirga-solmoqda---shavkat-mirziyoyev-ozbekiston hamda 20 avgustni “Tadbirkorlar kuni” deya eʼlon qilgani haqida xabar berilgandi