Germaniyada 7 kishi nomaʼlum moddadan zaharlandi
Germaniya g‘arbida 7 kishi zaharlanish alomatlari bilan tez yordamga murojaat qildi. Bu haqda mahalliy politsiyaga tayanib, «Daily Mail» xabar berdi.
Maʼlum qilinishicha, nomaʼlum kimyoviy modda izlari Dartmshtadt texnika universiteti hududida joylashgan (Gessen federal yeri) binolardan biridagi suv idishlari va sut qadoqlaridan topilgan. Jabrlanganlardan biri — 30 yoshli talabaning ahvoli og‘ir bo‘lib, aniqlangan zaharli moddani tahlil qilish ishlari davom etmoqda.
«Darmshtadt prokuraturasi qotillikka urinish bo‘yicha tergov boshladi», — deya ochiqlagan huquq-tartibot idoralari xodimi. Qayd etilishicha, politsiya talabalarga faqat o‘zlari bilan olib kelgan taomlarni yeyishni tavsiya qilgan. Politsiyaning fikricha, ommaviy zaharlanishga sabab bo‘lgan modda ichimlik idishlari ichida bo‘lgan. Boshqa tafsilotlar ochiqlanmagan.
