Kobul aeroportida terakt: kamida 15 kishi halok bo‘lgan
Kobul aeroportida terakt amalga oshirildi. Bu xabarni Pentagon ham tasdiqladi.
Terakt aeroport yaqinida, unga kirish joyida sodir bo‘lgan. Dastlabki tahminlarga ko‘ra, inglizlar yashaydigan “Baron” mehmonxonasi yonida terrorchi-hudkush o‘zini portlatib yuborgan. Hozirda halok bo‘lganlar yoki yaradorlar haqida aniq maʼlumot yo‘q.
Baʼzi manbalarda kamida o‘n kishi halok bo‘lib, 15 nafari yaralangani aytilmoqda. Jarohatlarnganlar orasida AQSH harbiylari ham bo‘lishi mumkin. Fransiyaning Afg‘onistondagi elchisi yangi portlash bo‘lishi mumkinligidan ogohlantirdi. Aeroportdagi turk harbiylari yana bir portlash bo‘lgani haqida aytmoqda.
Teraktdan bir necha soat avval Buyuk Britaniya mudofaa vazirligi portlash xavfi mavjudligini maʼlum qilgan. Keyinchalik bu Germaniya Mudofaa vazirligi tomonidan ham qo‘llab quvvatlandi.
Terakt bo‘yicha javobgarlikni ISHID o‘z zimmasiga oldi. Yuqori darajadagi xavfga qaramay aeroportda evakuatsiya davom etmoqda.
Jahongir Qo'ziyev
