“Tolibon” harakati yetakchisi mulla Haybatulla Oxundzoda Afg‘onistonga keldi
“Tolibon” harakati yetakchisi mulla Haybatulla Oxundzoda 29 avgust, yakshanba kuni Afg‘onistonga kelgani maʼlum qilindi.
Bu haqda «Ariana News» xabar berdi.
Maʼlum qilinishicha, Oxundzoda harakatning boshqa rahbarlari bilan Afg‘onistondagi vaziyat va kelajakdagi siyosiy tizimning shakllanishi haqida uchrashuv o‘tkazmoqda.
“Tolibon” harakati muzokaralar guruhining yetakchi aʼzosi Sher Muhammad Abbos Stanikzayning aytishicha, Afg‘onistonda keng qamrovli siyosiy tizim barpo etishga harakat qilinmoqda. Uning so‘zlariga ko‘ra, “Tolibon” rahbarlari va afg‘on siyosatchilari barcha etnik guruhlar vakillari bo‘lgan tizimni shakllantirishga harakat qilmoqda.
Eslatib o‘tamiz, bundan avval “Tolibon” rasmiy vakili Zabihullo Mujohid Аfg‘on toliblarining Pokiston toliblari bilan aloqasi mavjud emasligini maʼlum qilgani xaqida xabar bergan edik.
