O‘zbekiston armiyasi jahon reytingida nechanchi o‘rinda?
O‘zbekiston dunyoning eng qudratli qo‘shinlari reytingida Markaziy Osiyo davlatlari orasida birinchi bo‘lib, 140 davlat orasida 51-o‘rinni egalladi. Global Firepower tahliliy markazi bu reytingni eʼlon qildi.
Maʼlumotlarga ko‘ra, O‘zbekiston bu reytingda qo‘shnilarini ancha ortda qoldirgan. Taʼkidlanishicha, Qozog‘iston 61-o‘rinda, Ozarbayjon 63, Litva 85, Turkmaniston 86, Gruziya 92, Qirg‘iziston 93, Latviya 97, Tojikiston 99, Armaniston 100 va Estoniya 109-o‘rinda.
Afg‘oniston reytingda 75 o‘rinni egallagan. Qayd etilishicha, birinchi uchta o‘rinni AQSH, Rossiya va Xitoy egallagan. Hindiston, Yaponiya, Janubiy Koreya, Fransiya, Buyuk Britaniya, Braziliya va Pokiston ham kuchli o‘nlikka kirgan.
Reytingning oxirgi uch qatori Liberiya, Kosovo va Butanga to‘g‘ri kelgan. Qayd etilishicha, reytingda qurol-yarog‘ sifati, safarbarlik salohiyati hisobga olingan, deyiladi Human.uz xabarida.
