Isroildagi Gilboa qamoqxonasidan yer osti tunneli orqali olti mahbus qochib ketdi
Bugun ertalab terrorchilik faoliyatida ishtirok etgan olti mahbus Isroil shimolidagi Gilboa qamoqxonasidan qochib ketdi, deb xabar beradi “Newcpy.co.il.”
Mamlakat qamoqxona boshqarmasi bu xabarni tasdiqladi.
Qayd etilishicha, mahbuslar uzoq muddatli qamoq jazosiga hukm qilingan terrorchilar saqlanayotgan Gilboa qamoqxonasidan tunnel orqali qochib ketgan.
Politsiya ularni vertolyot va uchuvchisiz samolyotlar yordamida qidirmoqda. Qidiruvga maxfiy xizmatlar va harbiylar ham jalb qilingan.
Besh mahbus "Islomiy jihod" terrorchilik tashkilotining faollari bo‘lgan. Oltinchisi — “Fath” terrorchilik guruhi yetakchilaridan biri Zaxariya Zubeydiy. Qochishni aynan u tashkil etgani taxmin qilinmoqda.
Mahbuslar hojatxona tagidan tunnel qazigan va kanalizatsiya o‘qi orqali qochishga muvaffaq bo‘lgan. Guvohlardan birining so‘zlariga ko‘ra, qochqinlarni mahalliy dehqonlar payqab qolib politsiyaga xabar bergan.
Isroil bosh vaziri Naftali Bennet zudlik bilan ichki xavfsizlik vaziri Omer Bar-Lev bilan voqeani muhokama qilgan va hodisaning o‘ta jiddiyligini qayd etib, xavfsizlik kuchlari tizimli harakat qilishi zarurligini taʼkidlagan.
Nasiba To‘xtayeva
