Britaniyada 12-15 yoshli bolalar ommaviy ravishda emlanadi
Britaniyada 22 sentyabrdan maktablarda 12-15 yoshli bolalar uchun koronavirusga qarshi ommaviy emlash boshlanadi. Bu haqda “The Sun” xabar bermoqda.
Hukumat Buyuk Britaniyaning to‘rt mamlakati bosh vrachlari tomonidan o‘tkazilgan emlash dasturining tayyorligi bo‘yicha o‘tkazilgan so‘rovnomadan keyin maktablarda emlash kampaniyasini o‘tkazish haqida qaror qabul qilgan.
Britaniya sog‘liqni saqlash tizimi mutaxassislarining dastlabki hisob-kitoblariga ko‘ra, 200 mingga yaqin maktab o‘quvchilari emlanadi.
Maʼlumki, Britaniya o‘smirlarni Moderna Pfizer vaksinasi bilan emlashni maʼqullagan.
Eslatib o‘tamiz, bundan avval AQSH sog‘liqni saqlash rasmiylari mamlakatda 5 yoshdan 11 yoshgacha bo‘lgan bolalarga koronavirusga qarshi emlash joriy etilishi mumkinligini maʼlum qilgandi.
