“Tez orada Eronda yadro bombasi bo‘ladi”
Eron ikki-uch oydan keyin yadro quroliga ega bo‘lishi mumkin. Bu haqda Isroil mudofaa vaziri Benri Gans maʼlum qildi.
U agar Tehron ushbu qurolni yarata olsa, Yaqin Sharqda yadro poygasi boshlanib ketishidan ogohlantirgan. Buning oldini olish uchun Rossiya, AQSH, Xitoy va Yevropa Eronga siyosiy va iqtisodiy bosim o‘tkazishi zararligi taʼkidlangan. Isroil mudofaa vaziri, shuningdek, AQSHning Afg‘onistondan chiqib ketishi Tehronning yana-da qatʼiy siyosat olib borishiga imkon beradi, degan fikrda.
Eron bir necha kun avval yadro muzokaralariga qaytishini aytgan. Shuningdek, Xalqaro atom energiyasi agentligi xodimlarini yadro obyektlariga kiritgan edi. Eron “Umumiy qo‘shma dasturlar rejasi” kelushuvi doirasidan tashqariga chiqadigan majburiyatlarni bo‘yniga olmasligi qayd etilgan.
“Hamkorlikdagi umumiy harakatlar dasturi” bir tomondan Eron, ikkinchi tarafdan AQSH, Rossiya, Xitoy, Fransiya, Buyuk Britaniya va Germaniya o‘rtasidagi kelishuvdir. U 2015 yilda imzolangan. Unga ko‘ra, rasmiy Tehron yadro qurolini yaratishdan voz kechishi, G‘arb esa bosqichma-bosqich mamlakatga joriy qilingan sanksiyalarni bekor qilishi ko‘zda tutilgan. Biroq 2018 yilda AQSH shartnomadan chiqqanini eʼlon qildi. O‘sha paytdagi Prezident Donald Tramp bu kelishuv Yaqin Sharqda yadro poygasini kuchaytirib yuborishini sabab qilib ko‘rsatgandi.
Jozef Bayden prezident etib saylanganidan so‘ng, Vashington Eron bilan muzokaralarga kirishgan. U Vena shahrida bo‘lib o‘tmoqda.
Jahongir Qo‘ziyev
