Suriya Turkiyadan qo‘shinlarini olib chiqib ketishni talab qildi
Suriya Turkiyadan qo‘shinlarini olib chiqib ketishni talab qildi. Bu haqda mamlakat tashqi ishlar vaziri Faysal Mikdad aytib o‘tgan.
Mikdad Idlib viloyatida vaziyat keskinlashuvi ortidan shunday bayonot berdi. "Fikrimcha, Turkiya Suriyadagi qo‘shinlarini darhol olib chiqib ketishi kerak. Xalqaro hamjamiyat Damashqning mamlakat shimolidagi bosib olingan hududlarni ozod qilishga qaratilgan harakatlarini qo‘llab- quvvatlashi zarur", - degan tashqi ishlar vaziri.
Mikdad vaziyatning keskinlashuviga Turkiyani asosiy sababchi sifatida ko‘rmoqda.
Bundan avval, Turkiya Prezidenti Rajab Toyyib Erdo‘g‘an Rossiyaga tashrif buyurishi xabar qilingan edi. U Sochida Putin bilan muzokaralar o‘tkazadi. Suriya shimolidagi vaziyat uchrashuvning asosiy mavzusi bo‘lishi kutilmoqda.
Bundan avval Suriya Prezidenti Bashar Asad Moskvaga kutilmagan tashrif bilan kelgan edi.
Jahongir Qo'ziyev
