Fransiya Prezidenti elchi Filipp Etenni AQSHga qaytarish haqidagi qarorini eʼlon qildi
Fransiya Prezidenti Emmanuel Makron suv osti kemalari atrofidagi janjal sababli maslahatlashuvlardan so‘ng Fransiyaning AQSHdagi elchisi Filipp Etenni qaytarish qarorini eʼlon qildi, deb yozadi “TASS.”
Fransiya elchisi Vashingtonga aniq muzokaralar mandati bilan qaytadi va hamkorlikni qayta tiklash shartlarini muhokama qiladi.
Makron, shuningdek, Avstraliyaning Parij bilan shartnomani Buyuk Britaniya va AQSH bilan kelishuvga almashtirish qarori Hind va Tinch okeanidagi strategiyasiga taʼsir qilmasligini aytdi.
Makronning qo‘shimcha qilishicha, AQSH bilan munosabatlar bo‘yicha muloqot oktyabr oyida davom etadi, Bayden bilan yangi suhbat rejalashtirilgan.
Eslatib o‘tamiz, AQSH, Buyuk Britaniya va Avstraliya o‘rtasida 15 sentyabrda imzolangan yangi AUKUS alyansi unga aʼzolarning Fransiya bilan munosabatlarida chuqur diplomatik inqirozni keltirib chiqardi.
Alyans doirasida Avstraliya sakkizta atom suv osti kemasini oladi. Ushbu kelishuv tufayli Avstraliya fransuz kompaniyasi bilan suv osti kemalari uchun ko‘p milliardli shartnomani buzdi.
Parij ittifoqchilarning bunday qarorini "orqadan pichoq" sanchish, deb atagan. Fransiya Vashington va Kanberradagi elchilarini maslahatlashuv uchun chaqirib olgan edi.
Bundan avval Shimoliy Koreya navbatdagi raketa sinovini o‘tkazgani to‘g‘risida xabar berilgan edi.
Maʼlum qilinishicha, eng kamida bitta nomaʼlum turdagi snaryad otilgan. Shu bilan birga uning turi va qayerdan otilgani haqida maʼlumot keltirilmagan.
Nasiba To‘xtayeva
