56 yoshli AQSH fuqarosi yuragidan o‘n santimetrlik sement bo‘lagi topildi
56 yoshli AQSH fuqarosi yuragidan o‘n santimetrlik sement bo‘lagi topildi. Bu haqda “Live Ssiense” sayti xabar berdi.
Qayd etilishicha, erkak shifoxonaga ikki kun davomida ko‘kragidagi og‘riq va nafas qisilishidan shikoyat qilib borgan. Rentgen va kompyuter tomografiyasi uning yuragida begona jism borligini ko‘rsatdi.
Shoshilinch jarrohlik amaliyoti vaqtida shifokorlar o‘ng atrium va o‘ng o‘pkasini yorib yuborgan ingichka, uzunligi 10,1 santimetr o‘tkir sement bo‘lagini topdi.
Bundan bir hafta oldin erkak umurtqa pog‘onasining sinishi tufayli kifoplastika qilingan. Bu jarayonda umurtqa maxsus suyak sementi bilan mustahkamlanadi.
Kifoplastika xavfsiz jarrohlik amaliyoti hisoblanadi: uning tiqilib qolish xavfi kam. Ammo erkakda sement umurtqadan venaga singib qattiqlashgan, undan keyin yurakka kirib ketgan.
Taʼkidlanishicha, begona jism muvaffaqiyatli olib tashlangan.
Bundan avval 33 yoshli erkak mobil telefonini yutib yuborgani to‘g‘risida xabar berilgan edi.
Nasiba To‘xtayeva
