Yevro-2024 saralash turniriga qurʼa tashlash sanasi maʼlum bo‘ldi
Futbol bo‘yicha navbatdagi Yevropa chempionatiga qurʼa tashlash marosimi qachon o‘tkazilishi maʼlum bo‘ldi.
Xabarlarga ko‘ra, bu tadbir 2022-yil 9-oktabr sanasiga mo‘ljallangan. Marosim Germaniyaning Frankfurt shahrida bo‘lib o‘tadi. Ushbu musobaqaning saralash bahslarida 54 jamoa guruhlarga bo‘lingan holda 23 ta yo‘llanma uchun kurash olib boradi. Yevro-2024 turnirida jami 24 ta davlatning terma jamoasi ishtirok etadi. Musobaqaning bir ishtirokchisi allaqachon maʼlum bo‘lib ulgurgan. Bu turnir mezboni Germaniya termasi hisoblanadi.
Eslatib o‘tamiz, 2024-yilgi Yevropa chempionati 14 iyundan 14 iyulgacha Germaniyada bo‘lib o‘tadi. Turnirning final bosqichiga qurʼa tashlash marosimi esa 2023-yilning dekabr oyiga belgilangan.
Avvalroq La Liganing ikki klubi bosh murabbiysiz qolgani va “Real Madrid” sobiq futbolchisi O‘zbekistonga kelishi haqida xabar berilgandi.
Jamshidbek Amirov
