Batumida halok bo‘lganlar soni 5 kishiga yetdi
Avval xabar qilganimizdek, Gruziyaning Batumi shahrida turar-joy binosining bir qismi qulab tushgan edi.
Gruziya “Birinchi kanali” tarqatgan maʼlumotga ko‘ra, mamlakat Ichki ishlar vazirligi ushbu voqea yuzasidan tergov ishlari olib bormoqda, vayrona ichida qolganlar qidirilyapti.
“Bugun bino vayronalari ostidan besh kishining jasadi topildi. Qidiruv-qutqaruv ishlari davom etmoqda,” — deb xabar berdi Gruziya Ichki ishlar vazirligi.
«Rustavi 2» telekanali maʼlumotlariga ko‘ra, qurbonlar orasida ikki nafar bolalar ham bo‘lgan.
Bundan avval Misrda turar-joy binosi qulashi oqibatida 4 kishi halok bo‘lgani hamda Hindistonda qurilayotgan ko‘prikning bir qismi qulab tushgani haqida xabar berilgan edi.
Munojat Valiyeva
