Sirdaryoda qo‘lga olingan hokim o‘rinbosari va uning hamtovog‘iga nisbatan sud hukmi o‘qildi
So‘nggi paytlarda firibgarlik orqali mo‘may daromad topish ilinjida jinoyatlarga qo'l urayotganlar ko'payib bormoqda. Hayotda shunday qing‘ir ishlar bo‘ladiki, u haqda eshitgan vaqtimizda beixtiyor: "tuppa-tuzuk odam edi-ku, nima "jin urib" nomaqbul ishlarni qilibdi?" — deya hayron qolamiz. Aslida buning sababi nafs balosiga va oson boylik orttirishga borib taqaladi.
Qayd etilishicha, M.Xolbekovning arizasiga asosan shu kuni tezkor tadbir davom ettirilib, Guliston tumani hokimining sanoatni rivojlantirish, kapital qurilish, kommunikatsiya va kommunal xo‘jalik masalalari bo‘yicha birinchi o‘rinbosari B.Salimetov firibgarlik, yaʼni aldash yoki ishonchni suiisteʼmol qilish yo‘li bilan o‘zganing mulkini qo‘lga kiritish maqsadida, xizmat mavqeidan foydalanib fuqaro M.Karimovani ishonchiga kiradi. Guliston tumani, “Yulduz” mavzesida kam taʼminlangan oilalar uchun qurilayotgan ko‘p qavatli arzonlashtirilgan uy-joylardan xonadon olishi uchun ro‘yxatga qo‘yib, yordam berish evaziga oldindan talab qilgan 400 AQSH dollarini M.Xolbekovdan Sirdaryo viloyati Tovar xom-ashyo birjasi binosi yaqinida olgan vaqtida ashyoviy dalillar bilan qo‘lga olingan.
Sud tomonidan B.Salimetov JKning 25,168-moddasi 3-qismi “v” bandi bilan JKning 45-moddasini qo‘llab, 2 yil 6 oy muddatga davlat organlarida mansabdorlik va moddiy javobgarlik bilan bog‘liq lavozimlarda ishlash huquqidan mahrum qilindi. Shuningdek, bazaviy hisoblash miqdorining 300 baravari miqdorida (73.500.000 so‘m) jarima belgilandi. M.Xolbekovga esa JKning 25,168-moddasi 2-qismi “b” bandi, 28,211-moddasi 1-qismi bilan JKning 45, 59, 61-moddalari tartibida 2 yil muddatga davlat organlarida mansabdorlik va moddiy javobgarlik bilan bog‘liq lavozimlarda ishlash huquqidan mahrum qilingan holda 2 yil 2 oy ozodlikni cheklash jazosini tayinlandi.
Aldov va firibgarlik yo‘li bilan topilgan boylik B.Salimetov va M.Xolbekovga buyurmadi. Ular topgan obro‘sini tushirib, el-yurt oldida uyatga qoldi.
Avvalroq Buxoro shahar hokimligi sobiq mulozimi firibgarlikka qo‘l urgani, Qo‘qon shahar hokimining birinchi o‘rinbosari pora olayotganda ushlangani hamda Buxoroda hokimlik zaxirasidagi yerni 8 000 AQSH dollarga sotmoqchi bo‘lgan shaxs qo‘lga olingani haqida xabar berilgandi.
