Gvatemalada 100 dan ortiq muhojir bir necha kun yopiq konteynerda qolib ketdi
Gvatemalada muhojirlar ortilgan yopiq konteyner aniqlandi. Maʼlum bo‘lishicha, ular Gaiti, Nepal va Gana fuqarolari bo‘lgan.
Meksika orqali AQSHga o‘tkazib qo‘yish sharti bilan pullarini olgan kontrabandachilar ularni manzilga yetkazmay, yopiq konteynerda o‘z holiga tashlab ketgan.
Muhojirlar odamlarni yordamga chaqirish uchun baqirishgan, konteyner devorlarini urishgan. Ammo ularni hech kim eshitmagan. Shu tarzda bir necha kun suvsiz, ovqatsiz qolib ketgan.
Ularni yaqin atrofdan o‘tgan bir erkak eshitib qolgan va darhol politsiyaga xabar qilgan. Hozirda ularni o‘z yurtiga qaytarish ishlari ko‘rilmoqda.
Surishtiruv davomida muhojirlarning hech birida shaxsini tasdiqlovchi hujjat bo‘lmagani ma'lum bo'ldi.
Avvalroq Hindistonda 2,5 ming odam vaksina o‘rniga sho‘r suv bilan emlangani hamda Gvatemalada mahbuslar 18 kishini garovga olgani haqida xabar berilgandi.
Munojat Valiyeva
