Kim Chen In amaldorlarni aholi turmush tarzini yaxshilashga chaqirdi
KXDR hukumatining asosiy vazifalaridan biri aholi turmush tarzini yaxshilash bo‘lishi kerak. Bu haqda Kim Chen In hukmron Koreya Mehnat partiyasining 76 yilligiga bag‘ishlangan tadbirda maʼlum qildi.
Aynan oddiy odamlar mamlakatdagi sotsialistik qurilishning belgilab berishini taʼkidlab, Kim amaldorlarni xalqqa "xudoga xizmat qilgandek" xizmat qilishga chaqirdi.
"Amaldorlar o‘z harakatlari bilan odamlar manfaatlariga zarar yetkazmayotganini va noqulaylik tug‘dirmayotganini doimo o‘ylashi kerak", — degan Shimoliy Кoreya yetakchisi.
Kim Chen In partiyaning yanvarda tasdiqlangan besh yillik rejasini qatʼiy amalga oshirishga tayyorligini alohida qayd etgan. Eng muhimi – fuqarolarni oziq-ovqat va uy-joy bilan taʼminlash zarurligi taʼkidlandi.
Eʼtiborlisi, Shimoliy Koreya rahbari o‘z nutqi davomida ilk bor Janubiy Koreya va AQSH bilan munosabatlarga to‘xtalmadi.
Bundan avval Janubiy Koreya va KXDR o‘rtasidagi aloqa tizimi 55 kunlik tanaffusdan so‘ng tiklangani hamda KXDR Janubiy Koreya bilan munosabatlarni tiklashga tayyorligi xabar qilingandi.
Jahongir Qo'ziyev
