“Bavariya” Levandovski o‘rniga Holandni sotib olmoqchi
“Bavariya” Dortmundning “Borussiya” klubi hujumchisi Erling Xollandni sotib olmoqchi.
Myunxenliklar agar mavsumning eng yaxshi to‘purari Robert Levandovski jamoani tark etsa, keyingi transfer oynasida norvegiyalik futbolchini olishga harakat qiladi.
Xabarlarga ko‘ra, Erling Holandning o‘zi “Bavariya”ga 75 million yevroga tushishi mumkin. Uning agenti Mino Rayolaga ham 30-40 million yevro berilishi maʼlum. Bundan tashqari, Erlingning otasiga ham ma'lum miqdorda pul to‘lanadi. Erling Holand “Bavariya” klubi safida yiliga kamida 30 million yevro maosh olmoqchi.
Eslatib o‘tamiz, unga “Chelsi”, “Yuventus”, “PSJ”, “Real”, “Barselona”, “Manchester Siti” va “Manchester Yunayted” jamoalari qiziqish bildirmoqda. Hozirda Erling Holand Germaniya chempionati doirasida 5 ta o‘yinda maydonga tushib, 7 ta gol urishga muvaffaq bo‘ldi.
Avvalroq, investitsiya fondlari “Barselona”ga Holandni sotib olishga yordam bermoqchiligi va “Bayer” va “Lion” Azmunni qo‘lga kiritmoqchi ekani haqida xabar berilgandi.
Jamshidbek Amirov
