Keylor Navas jarohati tufayli ikkita o‘yinni o‘tkazib yuboradi
Xabarlarga ko‘ra, “PSJ” va Kosta-Rika terma jamoalari darvozaboni Keylor Navas Jahon chempionati-2022 saralash doirasida AQSHga qarshi kechgan bahsda jarohat olgan.
Darvozabon sonining qo‘shma mushaklaridagi noqulaylik tufayli shifoxonaga yotqizilgan. Navas jarohatning jiddiyligini aniqlash va tiklanish muddatini belgilash uchun “PSJ”da chuqurlashtirilgan tibbiy ko‘rikdan o‘tdi. Maʼlum bo‘lishicha, Navas 15-oktabr kuni Fransiya chempionatining 10-turidan o‘rin olgan “Anje”ga qarshi va 19 oktyabr kuni Yevropa chempionlar ligasi guruh bosqichining “RB Leypsig” bilan o‘tadigan o‘yinda qatnasha olmaydi.
Eslatib o‘tamiz, Navas 2019-yilda “PSJ” futbolchisiga aylangan. Joriy mavsumda darvozabon Fransiya chempionatining 6 ta uchrashuvida ishtirok etdi. Ikkita o‘yinda darvoza daxlsizligini saqlab qoldi. Navas Kosta — Rika termasi safida 2008-yildan beri to‘p surib kelmoqda.
Avvalroq investitsiya fondlari “Barselona”ga Holandni sotib olishda yordam bermoqchiligi va “Real Madrid” 1-yanvargacha Mbappeni qo‘lga kiritmoqchi ekanligi haqida xabar berilgandi.
Jamshidbek Amirov
