Toshkent — Qarshi — Toshkent aviaqatnovi qayta tiklanadi
"O‘zbekiston havo yo‘llari" AJ tomonidan Toshkent — Qarshi — Toshkent aviaqatnovi qayta tiklanadi. Bu haqda kompaniyaning rasmiy saytida xabar berdi.
Maʼlum qilinishicha, joriy yil 2-noyabrdan boshlab "O‘zbekiston havo yo‘llari" AJ Toshkent— Qarshi — Toshkent yo‘nalishida aviaqatnovlarni qayta tiklaydi.
Parvozlar haftasiga ikki marta, seshanba va juma kunlari amalga oshiriladi.
Parvoz vaqtlari:
-
Toshkentdan uchish: 19:00
-
Qarshiga kelish: 20:00
-
Qarshidan uchish: 20:40
-
Toshkentga kelish: 21:40
Maʼlumot uchun: aviachiptalar narxi Toshkent-Qarshi yo‘nalishida 212 ming so‘mdan, Toshkent — Qarshi — Toshkent yo‘nalishida esa 373 ming so‘mdan boshlanadi.
Bundan avval "Uzbekistan Airways" yangi model asosida Toshkentdan Moskvaga ilk parvozni amalga oshirgani, Moskvadan O‘zbekiston shaharlariga doimiy aviaqatnovlar soni oshirilishi hamda "Qarshi — Sankt — Peterburg" yo‘nalishidagi parvozning qoldirilganiga nima sabab bo‘lgani haqida xabar berilgandi.
