Россия ва Ўзбекистон: авиарейслар сони оширилмоқда
Жорий йил 5 октябрдан бошлаб Москвадан Ўзбекистон шаҳарларига доимий авиақатновлар сони икки тарафлама асосда кўпайтирилади. Бу ҳақида Ташқи меҳнат миграсияси агентлиги хабар қилди.
Хусусан , қуйидаги йўналишлар бўйича рейслар йўлга қўйилиши режалаштирилмоқда.
Москва - Тошкент (ҳафтасига 4 тагача рейс);
Москва - Бухоро (ҳафтасига 2 та рейс);
Москва - Самарқанд (ҳафтасига 2 та рейс);
Москва - Урганч (ҳафтасига 1 та рейс);
Москва - Наманган (ҳафтасига 1 та рейс);
Москва - Фарғона (ҳафтасига 1 та рейс);
Москва - Андижон (ҳафтасига 1 та рейс);
Москва - Термиз (ҳафтасига 1 та рейс).
Ушбу йўналишлар бўйича парвозларни амалга оширадиган йўловчилар сафардан олдин коронавирусга қарши эмланган бўлиши шарт.
Бундан олдин меҳнат мигрантлари учун Ўзбекистондан Россияга поездлар қатнови қўйилиши ҳам режалаштирилган эди.
Эслатиб ўтамиз, бундан аввал мамлакатимиз Президенти меҳнат миграциясига оид қарор имзолагани ҳамда Россия мигрантларга янги мажбурият юкламоқчи бўлаётгани ҳақида хабар берилганди.
Оламгир Абдиев
